കഥയില്ല തെല്ലുമീ കഥനത്തിലേതുമെൻ
കദനങ്ങളാണതിന്നുള്ളടക്കം.
പറയുവതേറ്റം കഠിനമെന്നാകിലും
പറയാതിരിക്കുവതെങ്ങനെ ഞാൻ!

'വിരിയും പ്രഭാതമൊരിക്കലെൻ ജീവനിൽ!'
വെറുതെ നിനച്ചു ഞാനെത്രകാലം!
നിറയുമനന്തമാമിരുളിലും തേടി ഞാൻ
നിരവദ്യസൗന്ദര്യമൊന്നുമാത്രം!

കൽപനയില്ലിനി, ഇല്ലിനിക്കൗതുകം
കഠിനമാം സത്യത്തിൻ കണ്ണുകെട്ടാൻ.
കാണാതെപോകില്ല ലോകമിനിയും,ഞാൻ
കാലങ്ങളായി കരഞ്ഞകാര്യം.