നീയാകും മരച്ചില്ലമേൽ

ഞാനെന്ന പക്ഷി പറന്നിരുന്നു.

മുറിവേറ്റ ചിറകിലൊരു ഹൃദയവുംപേറിയൊ-

രായുസ്സുമുഴുവനായ് ചേക്കേറുവാൻ..

നീയാകും മരച്ചില്ലമേൽ ...

 

അമൃത പ്രീതത്തെ കുറിച്ച് ചിന്തിക്കുകയായിരുന്നു...  സാഹിർ  ലുധിയാവ്നിയെ കുറിച്ചും...

ഇന്നിന്റെ ക്ഷീണിച്ച കണ്ണുകളാലെ ഞാൻ 

എന്നോ   കൊഴിഞ്ഞതാം ഇന്നലെകൾ കാണവേ,

എന്നോ തിരിഞ്ഞു നടന്ന വഴികളി-

ലെങ്ങോ കളഞ്ഞ വളത്തുണ്ടുതേടവേ,

പഴയൊരാ വേനലിൻ  വെയിലൊളി വീണ്ടുമെൻ

കവിളിലെ കണ്ണുനീർപ്പാടുകൾ മായ്ക്കയായ്!

കാതിൽ മന്ത്രിപ്പതു കാറ്റിൻറെ മൂളല-

ല്ലരികിൽ വന്നിമ്പമായാരോ വിളിക്കയായ് !